Davao City – Daku na og kausaban sa election sa mga nanglabay’ng panahon kun itandi karong panahona tungod kay moderno na ang kagamitan pinaagi sa mga bag-ong teknolohiya.
Sumala ni Prof. Adrian Tamayo, Institute of Popular Opinion (IPO) Director of Quantitative Studies sa University of Mindanao, usa sa iyang nakita nga malinawon na ang himoong piniliay tungod sa hugot nga pagbantay sa kapolisan ug militar.
Samtang nagto-o si Tamayo nga di’ pa hingpit nag-mature ang katawhan sa pagpili sa himoong piniliay sama sa Barangay ug SK elections tungod kay anhi masukod ang ilang desisyon ilabina nga ang ilang pilion ilang silingan, paryente, mga kumpare ug kumare.
Gitataw pa usab ni Tamayo nga unang huna-hunaon sa mga mopapili nga ang tumong nila mao ang paghatag sa tinuod nga serbisyo ug kaugmaon sa mga kabataan.
Giingon niya nga dali na lang mahibaw-an kung ang tumong sa usa ka opisyal dili sa katawhan tungod sa personal nga katuyoan.
RadyoMaN Bernard Pantallon
