Sa pakighinabi ni RadyoMaN Misel Miral-Galve kang Department of the Interior and Local Government (DILG) XI Regional Director Alex Roldan atol sa Straight to the Point Program sa DXDC RMN Davao, gipasabot niini nga dili angay mamersonal ning panahon sa eleksyon sama sa selosay tungod sa mga gisuportahan nga mga kandidato.
‘‘Kining eleksyon muagi ra ni, ang panag-silingan ug panag-higalaay, mulungtad na, inig human sa eleksyon, managsilingan ra man gihapon mo. Asa karon ang mas dako nga gibug-aton? Kadtong niboto siya sa pikas o kadtong panagsilingan (ninyo)?’’ sulti ni Roldan.
Gitumbok sa opisyal nga maong dunay eleksyon tungod gihatagan og katungod ang mga tawo nga mupili og mga opisyales nga buot nilang muserbisyo sa katawhan.
‘‘Demokrasya man ta, gihatagan gani ta og eleksyon aron makapili, unya kadtong i-limit ilang seleksyon, it’s no longer democracy,’’ dugang ni Roldan.
RadyoMaN Renz Barbarona
