Davao City – Dakung responsibilidad sa katawhan isip mga botante ang pagpili sa atong mga lideres panahon sa eleksyon.
Aron dili mahikaw ang atong katungod sa pagpili sa mga angay nga modumala ug dili lang sa pagpakita sa ilang trabaho, angay masabtan nga usa kini ka katungod natong mga Pilipino nga mao ang pagpili sa tarung nga mga opisyal.
Sumala ni Davao City Second District Councilor Diosdado Mahipus, Sr., depende sa plataporma sa panggobyerno kun magpabilin lang nga pareho og partido posible nga walay kausaban nga makita.
Gisugyot ni Mahipus nga mas maayo nga maggikan sa laing partido kun ugaling walay nahatag nga kaayohan sa pagpanerbisyo sa mga lideres sa presenteng termino aron dili maparalisa ang dagan sa panggobyerno ug duna gayoy kalambuan.
Matud ni Mahipus, ang eleksyon kritikal sa atong kalambuan diin usa lang kini ka pamaagi aron mas mulambo pa ang katilingban gani kung walay mahitabong piniliay, posible nga magsalig ang ubang opisyal ug dili na moserbisyo ngadto sa katawhan.
RadyoMaN Don Pulayao
