Nahimong malinawon ug hapsay ang gihimong piniliay sa nasud, matod pa sa National Police (PNP).
Matod pa ni PNP Chief Police General Oscar Albayalde, malinawon ang gihimong eleksyon sa 36, 831 voting center sa nasud human gitak-op ang botohan sa may 6PM kini base sa gihimong assement sa PNP
Hinuon, adunay nahitabong insidente sa pagpamomba didto sa polling precinct sa Cotabato City ug Maguindanao kini aron hadlokon ang mga botante.
Una nang gipailawom sa full alert status sa PNP ang tibuok nasud. Nga kung diin anaa sa 149,830 ka mga pulis ang gipabantay sa pinilian.
Ang mga AFP nagdeploy ug 98,000 ka sundalo partikular sa mga lugar nga gipamugaran sa mga armadong grupo nga hulga sa nasudnong seguridad.
Giingon pa ni Albayalde nga anaa sa 5,500 ang naaresto sa comelec gun ban nga kung diin 4, 618 nga mga armas ang nakumpiska samtang anaa sa 44,226 ka mga armas nga makamatay nga armas ang nakumpiska, narekober ug gitahan sa mga awtoridad.
Natala usab ang 244 ka mga nalambigit sa vote buying nga kung diin 234 ang na rekober ug napulo pa ang gipangita.
Sa Liquoar ban, nakatala ang PNP ug 374 ka insidente nga kung diin 920 ang milapas niini.
Sa kasamtangan, anaa pa sa full alert status ang PNP ug naka red alert sab ang AFP sa misyon nga siguruhon nga luwas ug malinawon ang tibuok nasud.
