Davao City – Nagapadayon og pagpangita ang Environment Management Bureau kun EMB og mga sites alang sa pagahimuong mga bag-ong sanitary landfills dinhi sa Davao Region.
Sumala ni Jay Kristoffer Bawi-in, usa ka Senior Specialist sa EMB nga nakig-alayon kini sa mga Local Government Units kun LGU ug mga private industries aron makighinabi bahin sa mga lugar nga himuong sanitary landfills.
Base sa datos, adunay duha ka sanitary landfills sa Region XI nga nahimutang sa Davao City ug Island Garden City of Samal kun IGaCOS.
Dugang ni Bawi-in nga kinahanglan adunay sanitary landfills matag LGU apan mag depende gihapon kini sa gihatag nga guidelines ug criterias sa Department of Environment and Natural Resources (DENR) gani kinahanglang maabot usab ang lifespan niini og 8 – 10 ka tuig.
Sa pagkakaron, under rehabilitation gihapon ang sanitary landfills dinhi sa dakbayan sa Davao tungod midugay na kini og sobra 10 ka tuig.
Danielle Aguilar, HCDC MassCom Intern
