Davao City- Nagpabiling taas ang alerto sa Eastern Mindanao Command (EMC) batok sa mga planong mga himuong pagpanimalos sa mga kaubang terorista sa napatay nga lider nga sila ISIS Emir Isnilon Hapilon ug Omar Maute didto sa Marawi City.
Segun ni EASTMINCOM spokesperson Major Ezra Balagtey nga hugot ang ilang pagbantay sa entero Eastern Mindanao ug intensified ang security operations ang gihimo sa militar aron mapugngan ang maong mga planong pag-atake sa mga terrorist groups nga nisimpatiya sa mga Maute.
Subay sab niini, mas gipahugtan pa sa EMC ang pagbantay sa mga boarders aron dili makalusot ang mga mga dautang element dinhi sa Eastern Mindanao.
Nanawagan si Balagtey sa publiko nga suportaan ang kasundaluhan pamaagi sa pag-report kung adunay mga mamatikdang mga kadudahang mga tao diha sa ilang mga lugar.
RadyoMan Aimee Guinita
