Davao City – Personal nga gitunol ni Armed Forces of the Philippines Chief of Staff Gen. Cirilito E. Sobejana ug Eastern Mindanao Command (EastMinCom) Commander Lt.Gen. Greg T. Almerol, ang P9 Million cash reward sa top performing units kinsa malampusong naka-neutralisa sa mga high ranking leaders sa New People’s Army (NPA) sa nagkadaiyang operations sukad 2020.
Ang turn-over sa maong reward money gipahigayon sa Naval Station Felix Apolinario Covered Court Camp Panacan, ning dakbayan niadtong June 15, 2021. Sumala ni Gen. Sobejana, ang maong kwarta naggikan kang President Rodrigo Roa Duterte og siya mismo ang mitunol niini sa tropa sa military.
Gibutyag niini sa kasundaluhan nga bisan pa man og walay ganti, andam pirmi ang AFP nga moserbisyo sa nasod ug protektahan ang mga Pilipino.
“We do not want to impress upon the public that our soldiers expected a reward to every move but we want to demonstrate that even without it, your soldiers are motivated and ready to serve. We are always on the go and we ensure that we are able to uphold our mandates as the defender of the territory and protector of the Filipino people,” sumala niini.
Samtang, gipasidunggan ni Lt.Gen. Almerol, ang iyang mga ginsakpan sa malampusong mga operasyon batok NPA ilawom sa area of responsibility sa EastMinCom.
Matud sa EMC, pipila sa mga na-neutralisang high ranking officials sa NPA mao sila Marcelino Navarro, NPA North Eastern Mindanao Regional Committee 2nd Deputy Secretary ug Head of Education and Propaganda, Manuel Magante Gilo, Finance Officer sa Regional Operations Command, Southern Mindanao Regional Committee (ROC-SMRC), Romeo Lendio Libron, ROC-SMRC Commanding Officer, Rogelio Masaya Udal, Regional Ordinance member ug former Pulang Bagani Command (PBC-1) Vice Commanding Officer, Zaldy Gulmatico Pulido, Secretary of Guerrilla Front 53 ug Danny Huit, Guerrilla Front North, SRC-1, SMRC Secretary.
RadyoMaN Aimee Guinita
