Davao City – Sunod sunod na ang mga aktibidad nga ginahimo karon sa mga kasimbahan sa Romano Katoliko human nga gipahigayon sa matag kapilya ang ilang pag-prosesyon sa Itom nga Nazareno.
Alayon niini, magpahigayon na usab ug kapistahan ang mga deboto sa patron sa Holy Infant of Jesus Prague sa Shrine Hills Matina, syudad sa Davao ug posibleng dagsaon usab kini sa mga tawo.
Sumala ni Talomo Police Station Station Commander PMaj Noel Villahermosa, ila na usab kining gipangandaman aron maplastar ang kahusay ug kalinaw sa maong aktibidad.
Pahimangno lamang sa maong opisyal sa mga motambong nga magsayo og magdala usab og proteksyon sa kaugalingon sama sa tubig aron adunay depensa ilabi na kung dagsa ang katawhan.
Dugang ni Villahermosa, adunay serbisyong medikal ang ihatag sa City Government of Davao pinaagi sa Central 911 alang sa maong okasyon.
RadyoMaN Paul Canono
Facebook Comments
