Davao City – Gituki sa PhilHealth Davao ang bahin sa Point of Service kun mas nailhan sa katawhan nga Emergency PhilHealth.
Sa pakighinabi ni RadyoMaN Misel Miral-Galve kang Kleah Dublin Guevarra sa Serbisyong Straight to the Point, gipasabot niini nga ang PhilHealth dapat pangandaman isip usa ka health insurance diin kinahanglan adunay saktong hulog ayha mabati ang benepisyo.
Apan matud ni Guevarra nga duna silay ginatawag nga Point of Service alang sa mga miyembro sa PhilHealth nga walay nakabayad kun kulang ba karon ang bayad apan kinahanglan mu-avail sa insurance tungod sa miabot nga emerhensiya.
Subay niini, kinahanglan usa sutaon sa PhilHealth og financially capable or incapable ba ang usa ka miyembrong buot mu-avail sa Point of Service gani musubay pa usab sila mga palisiya niini ayha hingpit nga maka-avail sa nasangpit nga serbisyo.
Alang usab sa dugang mga pangutana, mamahimo lang mubisita sa mga PhilHealth branches og unsaon usab pag-avail sa benepisyo panahon sa emerhensiya.
RadyoMaN Renz Barbarona
