Roxas City, Capiz- Natalana nga iga-renovate ang baywatch tower nga nahamtang sa Baybay beach sa Barangay Baybay.
Suno kay Appropriations Committee Chairman City Councilor Matthew James Viterbo, kapin sa 1-million pesos ang ginpain nga pondo para diri kun sa diin kalakip sa igapatigayon amo ang repainting kag pagkay-o sang mga samad na nga atop sang nasambitan nga baywatch tower.
Lauman man nga ini ang pahamtangan sang mga personnel.
Gina-sigahom nga magabakal man sang rescue boat nga nagabalor sang 2 tubtob 3-milyones pesos kag mga dugang nga scuba-diving kag rescue equipments.
Katuyoan sang pagkaayo sang amo nga baywatch tower nga ma-monitor ang mga nagapaligo malapit sa baybayon kag agud mangin madali na ang pagresponde sa tiun nga may yara sang emerhensiya kaangay sang pagkalumos.
