Empleyado han DPWH Biliran nga nagbaligya hin "shabu", arestado

299

TACLOBAN CITY – Arestado han Philippine Drug Enforcement Agency (PDEA) an empleyado han Department Of Public Works And Highways (DPWH) nga nagbabaligya hin illegal nga droga ha Brgy. Palenque, Caibiran, Biliran.

Basi ha report han PDEA, ginkilala an suspek nga hi Wilfredo Reil Heirro, 60 anyos, may asawa ngan residente ha nasabi nga lugar.

Tungod nga emplyedo han gobyerno an suspek, ginkokonsidera ini han High Value Target han PDEA.

Napalit ngan narikupo tikang ha suspek an duha ka-pakete han heat-sealed transparent plastic sachet han gin-aaligar shabu nga may kabug-at nga 0.69 gramo ngan nagkakantidad hin PHP4,000

Maatubang an suspek hin mga kaso ha ilarom han Dangerous Drugs Act o an RA 9165.

Paslak na ini nga suspek ha Biliran Police Lock-Up Facility.

Facebook Comments