TACLOBAN CITY – Nadakop han Philippine Drug Enforcement Agency (PDEA) Region 8 an ira la mismo empleyado nga nagbabaligya hin illegal nga droga ha Brgy. 81 Marasbaras Tacloban City, kakulop.
Basi ha report han PDEA, ginkilala an suspek nga ira empleyado nga hi Brian M. Refuezo, 36 anyos, Admin Aide III ha PDEA Regional Office 8 ngan residente ha V&G subdivision dinhi ha Tacloban.
An Tacloban PNP an nanguna pagdakop hini nga suspek ngan nakipag-koordinar nala hira ha PDEA.
Mismo an mga otoridad an kumita nga an suspek in nagbabaligya mismo hin gin-aaligar illegal nga droga ha poseur buyer han PNP.
Nakumpiska tikang ha empleyado han pdea an 7 nga sachet han gin-aaligar shabu ngan .38 nga calibre han pusil.
Ha interview han RMN kan PDEA Regional Director Edgar Jubay, duha na kabulan nga ginmomonitor han PDEA ini nga suspek.
“Last two months ang pagmonitor natin sa kanya na bumalik sya sa dating gawain kasi itong taong ito ay connected sa nahuli din natin na empleyado ng PDEA last year.”
Dugang han opisyal, kaparte na ini han ira internal cleansing nga may nadadakop nga empleyado han ira ahensya.
Sumulod pa ini nga suspek ha ira opisina kakulop.
Pagklaro ni Director Jubay, waray access ini nga suspek ha ira mga naririkupo nga shabu durante ha ira magkadurudilain nga buy-bust operation.
“Mahirap mangyari yan, pero yung tao namin na nahuli last year eh kahit nasa kulungan na doon sya kumukuha ng droga. Parang itong si Refuezo yung tao nya sa labas.”
Ha pagka-yana paslak na ini nga suspek ha Tacloban PNP Lock-Up Cell ngan maatubang hin mga kaso ha ilarom han dangerous drugs act ngan illegal possession of firearms and ammunition.
