TACLOBAN CITY – Ginpamumusil patay na usa nga empleyado han trial court ha sitio bonol Brgy. Binongtoan, Alangalang, Leyte dida han miyerkules, September 25.
Subay ha report han Police Regional Office 8, ginkilala an biktima nga hi Cedric Jose Saavedra Ramos, 44 anyos, may asawa, Clerk of Court II han Municipal Trial Court han Alangalang.
Ha inisyal nga imbistigasyon han mga otoridad, sakay hin motorsiklo an biktima mga alas 4:00 han kulop han tigda nala may umabot nga SUV sakay an mga suspek ngan ginpamumusil hi Ramos.
Nadara pa ini ha Leyte Provincial Hospital pero dead on arrival na.
Padayon naman an gindudumara nga imbistigasyon han mga otoridad.
Facebook Comments
