Empleyado it Aklan Provincial Capitol nagbigti, patay

26

Makato, Aklan – Uwa eon it kabuhi tag makit-an nga nagabitay sa may dirty kitchen it andang baeay ro sangka empleyado it Aklan Provincial Capitol kaina it agahon sa Poblacion, Makato, Aklan.
Ro biktima nakilaea kay Manuel Timtiman III alyas “Mawi”, 36-anyos, naga trabaho sa Treasurer’s Office it Provincial Capitol pero naka assign sa Caticlan ag residente it nasambit nga banwa.
Sa report nga una imaw nga nakit-an it andang kabulig nga naga bitay eon ag uwa it kabuhi.
Samtang sa pagpangusisa man it Scene of the Crime Operatives (SOCO) Aklan pinaagi kay PCInsp. Ulysses Ortiz nga gingamit it biktima rong gindubli nga electrical cord, ginhigot sa liog ag ginhigot man sa grills.
Nakita man sa anang kwrato rong suicide note nga naka sueat sa bond paper nga “SORI NAY DIKO NA KAYA”.
Nasayuran nga rayang biktima hay may asawa ag mga unga pero sa Ibajay naga tiner bangud nga idto man naga ubra ro anang asawa, samtang imaw hay iya mat-a sa Makato naga tiner.
Sa makaron hay padayon pa rong imbestigasyon it mga otoridad angot sa motibo ko pagpakamatay it bikitma bangud nga bago raya natabo hay uwa man napan uhan nga kung anong mga pagbag o kana ag sambilog pa hay mahiposon rayang tawo.
Kumbinsido man rong pamilya ni Mawi nga suicide rong natabo ag uwa it foul play.

Facebook Comments