Empleyado na liwat han PDEA, nadakop nga nagbabaligya hin droga ha Tacloban

TACLOBAN CITY – Usa na liwat nga empleyado han Philippine Drug Enforcement Agency (PDEA) Region 8, an naaresto ha gindumara nga buy-bust operation han Tacloban City Drug Enforcement Unit ngan mga tinaglawas han PDEA ha Brgy. 61, Tacloban City, kagab-i.

Basi ha report han Police Regional Office 8, ginkilala an suspek nga hi Michael Regala, 31 anyos, usa nga job order (J.O) employee han PDEA-8 nga residente han Brgy Canlapwas, Catbalogan Samar. Hi Regala in nadakop na gihapon dida han 2017 ha pagtalapas han RA. 9165.

Lakip naman nga nadakop ha mao nga operasyon an usa pa nga Newly Identified Pusher nga ginkilala kan Daryl Hanna Batac, 18 anyos, nga residente han Brgy. Pawing Palo, Leyte.


Nakuha ha mga suspek an 4 ka sachet nga gin-aaligar shabu ngan P500 nga gingamit kumo buy-bust money.

Paslak na ha Tacloban PNP Lock Up Cell Facility an mga suspek agud atubangon an kaso nga ipapasaka ha ira.

Facebook Comments