Pagadian City – Gikustodiya sa Pagadian City Police Station ug gipa-ilalom sa booking procedures ang kanhing chairman sa Pagadian City Council of Disability Affairs human kining nadakpan sa operasyon sa tropa sa Detective Personnel Pagadian City PNP didto sa Cabrera Street, Barangay San Francisco ning syudad sa Pagadian.
Giila ni PLTCOL ALVIN SAGUBAN, ang naaresto nga akusado nga Brixio Daniel, 41-anyos, empleyado sa gobyerno ug residente sa De Siete Street, Barangay Lumbia, Pagadian City.
Ang pag-aresto sa suspek gipasikad sa gahom sa warrant of arrest sa kasong Libelo gumikan sa kalapasan sa Akta Republika 10175 kun Cybercrime Prevention Act of 2012 nga dunay criminal case number 14534-2K19 nga gipagawas ni Judge Romeo Descallar, sa Regional Trial Court, 9th Judicial Region, Branch 19, Pagadian City.
Ang dinakpan gitugatan sa korte nga makapyansa sa kantidad nga 48,000 alang sa temporary nga kagawasan.
