Davao City – Patay si Engr. Anthony Deguzman Rapales, 57 anyos, nagatrabaho sa City Planning human nga gi-unay kini og tigas sa iyang bayaw nga ex-convict.
Suspek naila nga si Rey Acidellio Sillote alyas Brad, 47 anyos, residente sa SIR Phase 1 New Matina ning sydad.
Base sa blotter report sa Talomo PNP, bandang alas-8:30 sa kabuntagon kagahapon sa dihang padulong na motrabaho ang biktima nagpahipi usab diay ang suspek nga makabenta sa iyang dili maayong tumong.
Atol sa pagsakay sa motor sa biktima, gibunlot usab dayun sa iyang bayaw ang usa ka pangtadtad nga hinagiban kun butcher knife ug gitadtad kini sa makadaghang higayun.
Human sa panghitabo dali nga misibat sa wala matino nga lugar ang suspek.
Samtang gisulayan pa sa pagdala sa hospital ang biktima apan gideklara kining dead on arrival sa attending physician.
Bangi sulod sa pamilya ang motibo sa krimen samtang kapulisan padayun sa paglusad og manhunt operation aron sa posibleng pagkasikop sa suspetsado.
RadyoMaN Paul Canono
