Employers gi-remind sa pag-compensate sa trabahante

Davao City – Gipahinumdom sa Department of Labor and Employment (DOLE)-XI ang obligasyon sa mga kumpanya kun employer sa ilang mga trabahante.

Sa interview sa DXDC RMN Davao kang Lorraine Grace Ugsang, DOLE-XI Employment Focal atol sa programang Straight to the Point uban si RadyoMaN Aimee Guinita, iyang gisulti nga adunay balaod ug guidelines kung paunsa i-compensate ang mga trabahante sama na lamang sa overtime pay kung ang empleyado mutrabaho og lapas sa walo ka oras.

“If ang shifting sa ilahang schedule is from 10PM to 6AM, naa pud tay balaod ana nga kinahanglan magmaghatag sila og night shift differential (pay). Kung patrabahoon during rest day, dapat bayaran pud na,” matud ni Ugsang.

Gibutyag sa DOLE-XI official nga mitaas ang employment rate sa Davao Region diin as of August 2023, anaa kini sa 95.6% nga mas taas sa 94.7% sa susamang period sa miaging tuig, 2022.

RadyoMaN Kirby Manzon