Cuatro miembro del un Criminal Gang ya sale muerto durante el encuentro entre maga pulis na Purok 4, barrio Cumaron, Midsalip, Zamboanga del Sur del webs aga.
Asegun con el portavoz del PRO9 si Chief Insp. Helen Galvez alas 5:30 del aga el maga combinao fuerza del maga pulis ya sirvi el mandamiento de aresto na caso de murder con canda Ramon Bantayan y su hermano Rondi Bantayan, quien listao na numero 7 most wanted person na municipalidad pero ya imbisti estos con el otoridad ya resulta na cambiajan de tiro.
Ya muri el dos man hermano y dos pa otro destos uban, pero nohay pa puede sabe el diila maga nombre.
Maga pulis ya puede recobri maga pusil ta dueña el grupo di canda Bantayan.
Facebook Comments
