TACLOBAN CITY – Nagpapadayon an kampanya han Department of Labor and
Employment (DOLE) Region 8 agud malikyan an kontraktwalisasyon ha mga
magtatrabaho ha Eastern Visayas ilabi na ha mga Service Provider Company
ngadto ha ira mga contractual workers .
Sumala kan DOLE Regional Director Joel Gonzales, pinaagi han ginpalusad nga
Department Order No. 174 han DOLE o an pag-ban han Labor-Only contracting
ngan ENDO in padayon an ira massive campaign pinaagi ha pag inspeksyon ha
mga kompanya agud maregular na an ira mga trabahante.
Dugang pa han opisyal, umabot na ha 44% ha target nga 1,458 nga kompanya an
na-inspeksyon na han DOLE yana nga tuig.
“Dalawa ang approach ang ginagawa natin, una ang pananawagan, pagpupulong
at kinakausap sa working arrangement. Pangalawa ang pag inspection sa mga
establisyemento at pag may nakitang labor-only contracting at ENDO ay atin
silang sinasabihang i-correct at pag hindi ay binibigyan sila ng kaso at
order.”
Kaurugan nga natatabo an kontraktwalisasyon ha mga trabahante sugad
han Security
Guard, messenger, janitor kun diin kadam-an ha mga Service Provider Company
in diri hira nareregularize.
Panawagan han ni director gonzales ilabi na ha mga dagko nga principal o
konpanya nga may ada mga service provider contractor nga dire mangontrata
ha mga service provider kun dire regular an ira mga empleyado.
Target yana han dole-8 nga purluminos 9,000 nga mga trabahante ha eastern
visayas an ma regular yana nga tuig.
