Davao City – Mas gipalawman pa ang gihimong imbestigasyon sa kapulisan sa Tugbok kabahin sa nahitabong pagpamusil patay sa engineer, niadtong alas 7:35 sa gabii April 19, 2024 sa Deca Homes Subdivision, Tugbok District, syudad sa Davao.
Base sa report sa Tugbok Police Station, giila ang biktima nga si Eng. Rey Pulangas Lumacat, hingkod ang edad, residente sa nasampit nga lugar. Duha ka lalaki ang mga suspect sakay sa motorsiklo nga walay helmet ug nagtaptap sa nawong nga maoy mipusil sa biktima.
Subay sa imbestigasyon sa kapulisan, samtang gi-parking sa biktima ang iyang sakyanan atubangan sa ilang pinuy-anan, giduol sa suspetsado ug gipusil sa pipila ka higayon. Gidala pa sa hospital si Lumacat , apan nakabsan na sa iyang kinabuhi.
Manhunt operation nagpadayon batok sa mga suspect aron madakpan ug mailhan.
RadyoMaN Don Pulayao
Facebook Comments
