Engineer ug laing suspek nga nagtakubang sundalo pangkasuhan

Davao City- Kasuhan og paglapas sa RA 10591 (Comprehensive Firearm and Ammunitaion Regulation Act), Usurpation of Authority ug Art. 179 (Illegal use of uniform and insignia) ang duha ka mga nadakpang mga pekeng sundalo kagahapong adlawa sa checkpoint sa Calinan.

Ang mga suspek nga si Apolinar Salce Sugala, 25 anyos, residente sa Purok 9-A, San Rafael, Maa, Davao City ug Arvin Harold Hernandez, 31 anyos, usa ka mining engineer nga taga-Crystal Meadows, Brgy. Sasa, Davao City naka-detain karon sa Calinan Police Station.

Napangka atol sa pagberipika sa mga awtoridad nga dili diay mga tinuod nga mga sundalo.

Sumala ni Tuazon, nga pasumangil sa duha ka mga suspek nga nag-uniporme sila kay padulong kini mag-firing sa Kapatagan, Davao del Sir.

Wala usab napakita nga mga papeles ug dokumentos ang mga suspek nga awtorisado silang magdala’g armas

Nakumpiska ang 9mm ug .45 nga baril sa posisyon sa mga dinakpan.

Nagpasidaan si Tuazon sa publiko nga dili gayod sila magpanukong dakpon ug kasuhan ang mga sibilyang gasuot og mga uniporme sa mga security sectors.

RadyoMaN Aimee Guinita