Sta. Rosa, Laguna – Patay ang isang lalaki matapos itong makipagbarilan sa mga otoridad sa ikinasang anti-drug operation sa Sta. Rosa, Laguna.
Nakilala ang nasawi na si Donnie Sarsaba na nanlaban sa mga pulis pero nakatakas naman ang isa pang suspek na nagmaneho ng motor.
Sa ulat, nauwi sa barilan matapos i-abot ng mga suspek ang bayad sa pulis na nagkunwaring buyer.
Narekober sa suspek ang limang sachet ng shabu at calibre .38 revolver kasama na ang mga bala.
Samantala, arestado naman ang tatlong hinalang user at pusher sa loob ng isang drug den na pinasok ng mga undercover na pulis sa Barangay Halang sa Calamba.
Huli sa akto ang mga suspek kabilang ang dalawang menor de edad na bumabatak at may hawak ng ilang sachet ng shabu.
Facebook Comments
