Pagadian City – Human sa deklarasyon nga anaa na sa Code Red Alert ang Coronavirus Disease 2019 o COVID-19 sa Pilipinas, gikansela una sa mayor dinhi sa syudad sa Pagadian ang engrandeng selebrasyon sa iyang birthday.
Namahayag si Pagadian City Mayor Sammy Co nga simpleng panagtigom lamang ang ipahigayon ugmang adlawa arun masiguro nga luwas ang matag usa sa nasangpit nga virus.
Nangayo ug despensa ang mayor nga walay imbetado sa iyang birthday gawas na lamang sa mga empleyado sa City Hall ug Media.
Sigon pa sa mayor, pagsanong kini sa panawagan sa DOH nga likayan una ang pag-adto sa mga lugar nga adunay baga nga duot sa tawo.
Dugtong niini, nakigkutay na sa uban pang departamento ang local nga kagamhanan arun pakusgon ang kampanya kontra COVID-19.
(Photo credit to the owner)
