Davao City – Miulbo ang giyera tali kasundaluhan ug mga armadong grupo alas 5:30 kagahapong adlawa nahitabo sa Sitio Quiambao, Brgy. Salapawan, Paquibato district Davao City.
Sa record sa PRO XI, naglusad og combat operation sa maong lugar ang Bravo Coy ug usa ka squad sa Smart Company sa 89th I.B Philippine Army Patrol sa pagpanguna ni 2LT. Asucion diin nakaengkwentro nila ang kapin kun kulang pito ka mga communist-terrorist nga gituohang miyembro sa Pulang Bagani Command 1.
Sumala pa nidugay sa napulo ka minutos ang pagkambyoay og bala nga miresulta sa pagkasikop sa usa ka ginaila pang miyembro niini ingon man pagkarekober sa usa ka garand rifle, usa ka anti-tank mine, ammunition, empty magazine, duha ka cellphone ug usa ka camera.
Walay natala nga na-angol sa pundok sa gobyerno samtang gikustodiya na sa 89th I.B, Philippine Army ang nadakpang communist-terrorist ingon man usab ang mga narekober nga mga armas.
RadyoMaN Jason Amisola
