Pormal na nga gin-anunsyo ni Mayor Jerry Trenas ang pag-extend sang Enhanced Community Quarantine sa siyudad sang Iloilo tubtub sa Mayo 15.
Ini apesar nga handa na kuntani ang siyudad sa pagbatak sang ecq sa mayo 1.
Sa iya facebook post, gin-anunsyo sang alkalde ang extension sang ECQ bilang pagsunod sa desisyon sang national government nga nagalakip sa bilog nga isla sang Panay sa ginpalawig nga ECQ tubtub sa Mayo 15 bangud sa padayon nga pamahog sang COVID-19.
Suno sa alkalde nga apesar madamo ang dismayado sa nasambit nga tikang apang makahatag naman ini sang dugang nga tiyempo sa pagpanghanda sang exit plan sang siyudad sa ECQ.
May kaangtanan sini, ginpahibalo ni Mayor Trenas nga may igahatag nga seedlings ang Department of Agriculture para maganyat ang publiko sa paghimo sang urban gardening para sa food security.
Para naman sa mga magapauli nga mga OFW’s, ginpahayag ni Trenas nga suportado niya ini bangud mabudlay man ang ila sitwasyon sa Manila.
Apang may pagsundon sa gihapon nga protocol sa pag-abot nila sa Iloilo agud masiguro nga hilway sila sa virus sa pagpuli nila sa ila pamilya.
