Davao City- Giimplementar na sa Task Force Davao ang Ordinance No. 048-22 Series of 2022 kun ang Enhanced Safety and Security Measures and Regulations in Specified Areas and During Big Events in Davao City.
Sumala ni Col. Darren Comia, Task Force Davao Commander, kini aron sa pagseguro nga luwas ug walay mga dautang elemento nga makalusot sa syudad sa mas gihugtan pang seguridad.
Gibutyag ni Comia, kung anaa sa mga fixed checkpoints kinahanglan mukooperar ug musumite ang mga tawo sa inspeksyon.
Sa ordinansa, kung wala kini mi-comply sa regulations diha sa mga specified areas dili gayod kini makasulod sa dakbayan ug masilotan pa kini base sa ordinansa.
Ilawom sa Section 13 sa maong ordinansa, ang mga violators multahan og P2,000 ug usa ka bulan nga pagkapriso depende sa discretion sa korte.
Kinahanglan usab nga mupartisipar kini sa orientation ug awareness lecture mahitungod sa Culture of Security.
RadyoMaN Aimee Guinita
Facebook Comments
