Enrollment sa Negros Occidental yara na sa 80 porsyento sa public school, 35 porsyento naman sa pribado

12

Kapin sa 80 porsyento na ang nakapa-enroll sa mga pampubliko nga eskwelahan sa nasakupan sang Department of Education (DepEd) Division of Negros Occidental subong nga ulihi na nga adlaw sang official enrollment para sa school year 2020-2021.

Ginpahayag sa DYHB ni Ian Arnold Arnaiz, spokesperson sang DepEd Division of Negros Occidental nga base pa lang ang ini nga datos sang enrollment as of July 13. Sa bahin sang kinder tubtob junior high school, 75% na ang nakapa-enroll sini nga tuig gikan sa populasyon sa nakaligad nga school year samtang yara naman sa 95% ang senior high school.


Samtang sa bahin naman sang private schools, yara pa lang sa 35% ang nakapa-enroll kag suno kay Arnaiz madamo gid ang mga nag-transfer sa mga public schools.

Gin-athag naman ni Arnaiz nga ang Hulyo 15 ang ulihi lang nga adlaw sang official enrollment kag ini ang ginbasehan sang plano sang isa ka eskwelahan partikular na ang ila nga Maintenance and Other Operating Expenses (MOOE) sa sulod sang isa ka school year. Suno sa opisyal, may yara sa gihapon sang extension ang enrollment nga masami naman nagakatabo kada tuig.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments