Sa interview sa DXDC RMN Davao kang Jenielito Atillo, ang spokesperson sa DepEd XI, iyang gibutyag nga gipahiluna na sa buhatan ang enrollment nga mahuman karong July 26 ug ang abri klase karong July 29, 2024.
“We are actually ready. Medyo peculiar man gud ning Department of Education. In this case, nag andam na kita sa bag-ong tuig tingtungha school year 2024-2025. Plastar na siya, nakahan-ay na siya. Dili ni pinakalit pa nga mangandam mi,” sulti ni Atillo.
Samtang naglusad usab og National Learning Camp ang DepEd gikan July 1 hangtod 19 ning tuiga nga nagtinguha nga madugangan ang kahibalo sa kabataan ayha magsugod ang klase.
Malipayon usab nga gipahibalo ni Atillo nga matuman na ang gihandom sa tanan nga mubalik na sa original school calendar diin sa Hunyo ang abri klase ug mahuman sa Marso alang sa school year 2025-2026.
RadyoMaN Ivy Parido
