Liloy Z.N – Sikop ang usa ka ginang atol sa gipahigayong buy bust operation sa Municipal Drug Enforcement Team sa Liloy PNP, bandang ala 1:20 sa kadlawon sa miaging adlaw didto sa Barangay, Baybay, Liloy, Zamboanga del Norte.
Ang dinakpan giila sa kapolisan nga si Pablita Orsal Rioyan, 40 anyos, usa ka entertainer sa Dora KTV Bar Grade og lumad nga taga Poblacion, Siocon, Zamboanga del Norte.
Sigun ni Police Senior Inspector Gregorio Joel Bungulan, hepe sa Liloy MPS, nga nalakip sa drug watch list ang suspek isip newly identified drug personality og nagpayuhot matud pa sa illegal nga droga sa iyang gitrabahoan.
Napalitan matud pa sa operatiba ang suspek sa usa ka pakete sa gituohang shabu sa kantidad nga P600.00, hinongdan nga giposasan.
Nakuha-an pa kini sa lain tulo ka mga pakete, sa gituohang shabu, og mga drug paraphernalia.
Sa karon ang dinakpan padlock na sa prisohan sa Liloy Municipal Police Station og gikatakdang mag-atubang og kasong kalapasan sa Republic Act 9165 o ang Comprehensive Dangerous Drug Act.
