TALISAY CITY – Ginpaguwa na sang Carlos Hilado Memorial State College – Talisay (CHMSC) ang ila schedule sa examination para sa incoming 1st year college.
Ini ang matigayon humalin Pebrero 1 tubtob Marso 31, 2018.
Sa Pebrero, ini ang patigayunon humalin las 8 sang aga tubtob las 3 sang hapon, Lunes tubtob Biyernes kag sa bulan sang Marso, las 8 sang aga tubtob las 3 sang hapon, Lunes tubtob Sabado na.
Ini hiwaton sa Guidance Office Room 112, sa Ground Floor sang LSAB.
Ang mga aplikante ang magdala sang ila School ID, lapis, isa ka long brown envelope kag 1×1 recent picture.
Ang sin-o man nga Talisaynon nga makapasar sa CHMSC entrance exam ang mahimo mag-apply sang Scholarship sang Masa program para sa SY 2018-2019 para sa libre nga balayran.
Makig-angot lang sa Talisay City Mayor’s Office kag pangitaon si Miss Lonavelle Demaisip.
