Davao City- Striktong ipatuman sa Regional Civil Security Units kun RCSU XI ang giisyung Executive Order o EO no. 28 ni Presidente Rodrigo Duterte sa pagregularisa ug pagkontrola sa paggamit og mga pabuto ug mga pyrotechnic devices dinhi sa Davao Region.
Gikanayon ni RCSU XI chief Psupt Cydrice Earl Tamayo nga ubos sa maong order ang mga pyrotechnics sama na lamang sa mga fountains mamahinong gamiton gawas sa mga panimalay samtang ang mga firecrackers o fireworks pabuthon lamang sa mga designated areas.
“The president wanted that the EO 28 will address or prevent injuries nga pareho sa una nga daghan manga igo, daghan manga samad so ingon ni Presidente we have to regulate. Ang gihimo sa PNP karon naghimo og IRR in relation sa EO 28 nga ang LGU ang mahulog nga lead agency ani,” segun ni Tamayo.
Subay niini kinahanglan nga ang mga local government units ug ang mga barangays mag-identipika og lugar diin pwedi lamang himuon ang fireworks display.
Ang mga violators nga madakpan nga nagpabuto gawas sa designated areas adunay silot nga usa ka adlaw ngadto sa unom ka bulan nga pagkapriso ug multa nga 20,000- 30,000 pesos.
“Anybody nga magpabuto outside the community fireworks display areas will be apprehended syempre during the inspection of the police nga wala ka nagpabuto didto sa area,” matod ni Tamayo.
Sa pikas bahin sobra na dekada ang striktong implementasyon sa ordinance no. 060-02 o firecracking ban sa Davao City, niini nagpabiling zero firecracker related casualty ang dakbayan.
RadyoMan Aimee Guinita
