Pagpatalang lamang sa mga mamumugon ang ginpirmahan nga executive order ni Presidente Rodrigo Duterte kadungan sang ika-116 nga labor day celebration kahapon.
Ini ang ginpahayag ni Roxanne Javellana, spokesperson sang Kilusang Mayo Uno (KMU) matapos mabasahan ang nasambit nga executive order kon sa diin ginadilian lamang sini ang labor only contracting kag subcontracting kag wala nagapauntat sang “endo” ukon end of contract scheme nga ginahimo sang dalagku nga mga kumpaniya.
Suno kay Javellana nga baliskad sa ila ginalauman ang ginpaguwa nga E.O. sang presidente kabangdanan dismayado sila sa gihapon bangud nagapakita lamang nga wala sang tagipusoon para sa mga mamumugon ang karon nga administrasyon.
Ini man ang kabangdanan nga gintawag nila nga mala-demonyo ang patakaran ni presidente Duterte rason nga ila ginsunog ang effigy sini para ipakita ang kaakig sang mga trabahador sa pungsod.
Photo from web
