EPEKTO SA ILIMNON | Persona nga nagamaoy sa Mianay Sigma, magapangatubang sang kaso matapos nga nakuhaan sang duha ka espading!

Sigma, Capiz – Arestado ang isa ka hubog nga persona nga nagamaoy sa Brgy Mianay, Sigma alas 5:10 sang hapon.
Ginkilala ang suspek kay Joseph Fernando y Taharan, 23- anyos ang pang-edaron sang Brgy. Agbalogo , Makato, Aklan kag temporaryo nga naga-istar sa Mianay, Sigma, Capiz.
Ini ang nadakpan sang nagresponder nga si PO2 Carl Durana kun sa diin narekober sa iya ang duha ka mga espading.
Nahibaloan nga tuman ka buhog ang amu nga suspek, hawid sa duha ka kamot ang espading kag nagapanghangkat sang away sa sin-o man nga makit-an sini.
Magapangatubang ang amu nga persona sa pagbayolar sa section 32 sang RA 7166 ukon Omnibus Election Code in relation to Comelec Gun Ban.