Nisaka na sa 16 ang patay samtang lima ang angol sa Davao Region tungod sa nahitabong mga pagdahili sa yuta nga epekto sa shear line.
Sa interbyu sa DXDC RMN Davao kang Ednar Dayanghirang, Office of the Civil Defense 11 Regional Director, nadungag sa casualty ang usa ka 87 anyos nga disabled senior citizen nga wala na makahawa pa dihang nahitabo ang landslide sa Mati City, Davao Oriental.
Sa datos sa OCD 11, 12 ang patay sa Davao de Oro, 2 sa Davao City, usa sa Davao Oriental ug usa sa Davao Occidental.
Musumada sa 17 ka mga syudad ug munisipalidad ang nagdeklara og State of Calamity.
Nibilin og P68M nga damyos sa agrikultura ug imprastraktura ang nahitabong grabeng pag-ulan, baha ug landslide sa Davao Region.
RadyoMaN Aimee Guinita
Facebook Comments
