Epekto sa Typhoon Hagibis nabati na sa Japan

151

Davao City – Kanselado karon ang mga trabaho ingon man temporaryong gisuspinde ang mga domestic transport services sa Japan tungod sa gilaumang pagland-fall ni typhoon Hagibis karong gabii, Oktubre 12, 2019.

Sa interbyu sa DXDC RMN Davao kang Jessa Israel, usa ka Overseas Filipino Worker (OFW) sa Kakegawa Shizuoka, Japan nga taga Compostela, ComVal Province, gibutyag niini nga naka red alert status karon ang ilang lugar tungod sa daut nga panahon.


Saysay niini nga sukad pa kaganinang buntag, nakasinati na sila sa mga pag-ulan inubanan sa hangin diin nagpabilin na lamang sila sulod sa ilang apartment ug nagpondo na usab og pagkaon diin temporaryo nga nanirado ang mga dagkong tindahan sa lugar.

Gibutyag niini nga nakasinati na og pagbaha sa ubang lugar labi na kadtong duol sa sapa ug dagat diin nagpahigayon na usab og evacuation.

Dugang ni Israel nga gilauman sumala pa ang grabeng epekto sa bagyo gikan alas-6 hangtud alas-9 sa gabii.

RadyoMaN Kirby Manzon

Facebook Comments

From Advertisers