Tiniyak ng pamunuan ng Utah Jazz na ligtas ang mga manlalaro nito matapos mag-emergency landing ang eroplanong sinasakyan ng koponan sa Salt Lake City nang sumabog ang isang makina nito nang makahigop ng mga lumilipad na ibon.
Ayon sa Jazz, nag-apoy ang makina at huminto kaya agad na bumalik sa paliparan ang eroplano para mag-emergency landing.
Papunta sana ang Jazz sa Memphis, Tennessee para sa kanilang road game kontra sa Grizzlies.
Ilang oras matapos ang insidente, natuloy naman ang pag-alis ng Jazz matapos dumating ang kapalit na eroplano.
Facebook Comments
