Davao City – Gipaabot sa 10TH ID Aguila Division ang ilang mainiton nga pagtimbaya sa katudluan ni Brigadier General Filmore Escobal isip bag ong Police Regional Office XI Regional Director.
Sumala ni Capt Gerry Lamosao spokesperson sa 10TH ID nga magpabiling kaabag ug musuporta sa liderato sa PRO Xi ang 10TH ID ilabina ang pagpahugot sa peace and security program sa rehiyon onse.
Matud ni Lamosao nga ang padayon nga koordinasyon sa PNP ug AFP dinhi sa rehiyon maoy katumanan sa kampanya nga masumpo ang armadong pakigbisog sa mga teroristang kumunistang NPA.
Gibutyag usab ni PSSCC Head Retired Army Col. Lyndon Paniza nga ang kasinatian ni Gen Escobal sa dihang dinhi pa kini madestino kaniadto maoy susi aron magmalampuson kini sa iyang tahas isip pinaka labaw sa kapulisan dinhi sa rehiyon.
Gidugang ni Paneza nga dugay silang nag uban kaniadto isip community relations ug spokespersons ni BGen Escobal diha sa pag alkontra sa mga propaganda sa mga front organizations sa mga teroristang komunistang NPA ug tungod niining lapad nga kasinatian dili maglisod ang bag ong natudlo nga PRO XI regional director.
Si BGen Escoval maoy muhulip isip PRO XI RD ni outgoing BGen Marcelo Morales nga ma assign usab isip hepe sa presidential security group ni Presidente Rodrigo Duterte.
RadyoMaN Erin Lumosbog
