![ESCOBAL-SAPIE.jpg](https://i0.wp.com/rmn.ph/wp-content/uploads/2021/07/ESCOBAL-SAPIE-scaled.jpg?resize=696%2C464&ssl=1)
Davao City- Tutukan sa Police Regional Office XI Regional Director Police Brigadier General Filmore Escobal ang kaso sa pagpatay sa magtiayong Atty. Sitti Gilda Mahinay-Sapie ug Muhaimin Sapie.
Gipanganti ni PBGEN. Escobal nga itunol niini ang mga gikinahanglan sa Davao City Police Office ug Special Investigation Task Group nga giporma sa pagresolba sa kaso.
“We will provide all essential Support in terms of personnel, tracker teams, intelligence teams and technical capabilities for the SITG,” matud niini.
Niadtong Hulyo 16, 2021 gimando ni Escobal ngadto kang Davao City Police Office (DCPO) Police Col. Kirby John Kraft nga muntaron ang SITG aron mas matutukan ug mapalawman ang imbestigasyon sa Sapie double murder case.
Segun ni Escobal, gahulat kini sa report sa SITG sa unang adlaw sa case conference sa kaso aron isumite niya kini ngadto kang PNP Chief Guillermo Eleazar.
Samtang, gibutyag ni Kraft, gipresenta na sa Regional Crime Laboratory Office (RCLO) XI ang resulta sa awtopsiya sa patay’ng lawas ni Atty. Sapie ug bana niining si Timmy Sapie atol sa unang case conference niadtong Miyerkules (Hulyo 21, 2021).
Matud ni Kraft nahibaw-an na usab ang armas nga gigamit sa gunman ug gipa-enhance na ang nakuhang mga video footages gikan sa subdivision nga makatabang sa imbestigasyon.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>