Davao City- Hugot ipatuman sa Police Regional Office XI nga magpabiling non-partisan ang kapulisan sa umaabot nga piniliay.
Sa interbyu sa DXDC RMN Davao kang Police Brigadier General Filmore Escobal, PRO XI Regional Director, gipasidad-an niini ang kapulisan nga mamahimong magatubang og silot kung magpagamit kini sa mga pulitiko.
“If there’s an involvement in partisan politics and they can face administrative charges,” sumala niini.
Gibatbat ni Escobal, kinahanglan ang mga pulis di malambigit sa pagpangampanya, ma-employ nga Private Armed Groups (PAGS) sa pulitiko.
Adunay unit ang PNP kinsa awtorisadong mohatag og seguridad sa usa ka pulitiko kung mapamatud-ang duna kini hulga sa kinabuhi. Sa election period ibalhin sa laing lugar ang usa ka pulis kung aduna kini paryente nga kandidato aron malikayang magamit sa personal nga katuyuan.
Nakatutok karon ang gi-organisang Task Force batok sa mga PAGS aron masegurong makab-ot ang zero violence sa 2022 national election.
RadyoMaN Aimee Guinita
