Davao City – Gilaraw nga i-house to house ang pagtunol sa educational assistance sa Eskwela Davao.
Matud ni Eskwela Davao ug Work for Davao spokesperson Commissioner Norman Baloro, gitun-an pa nila ang mga luwas nga pamaagi aron madawat kini sa 22 mil ka mga benepisyaryo sa ayuda.
“Pangitaan gyod namo’g pamaagi, we will sit down again with City Accounting, and our City Treasurer’s Office of finding ways na matagaan og utmost na consideration ang safety o sa luwas nga pamaagi sa pag-distribute sa kwarta didto sa mga beneficiaries sa Eskwela Davao,” segun ni Baloro.
Nangandam na usab ang mga personaheng nakatutok niini nga programa sa pamaagi sa distribution.
Segun ni Baloro, nagpadayon ang pagdawat ug validation sa mga aplikante.
Sa datos nga gipagula sa Eskwela Davao’s Facebook page as of June 26, sa 22,000 nga slots anaa sa 1,423 ang mga aplikante para sa kindergarten, elementary, junior high school ug senior high school.
Sa Eskwela Davao Program sa lokal nga panggamhanan, matag kwalipikadong estudyante sa kindergarten modawat og P1,000, sa elementary P2,000 samtang P3,000 sa matag Junior ug Senior High School.
RadyoMaN Aimee Guinita
