Davao City – Mamahimo gihapong maka apply sa Eskwela Davao bisan pa man og naka avail na kini sa laing klase sa ayuda gikan sa gobyerno.
Matud ni Davao City Mayor Sara Duterte-Carpio, ang Eskwela Davao usa ka laing klase sa ayuda sa katawhan ug mamahimo gihapong maka apply niini ang mga nakadawat na Social Amelioration Program (SAP) ug uban pang tabang sa gobyerno isip tubag sa krisis hatud sa Coronavirus Disease 2019 (COVID-19).
“It doesn’t matter kung nakadawat mo sa TUPAD, sa SAP, nakadawat mo’g ration card, grocery packs. Kini siya is another form of assistance sa mga tao,” tataw sa alkalde.
Gitataw sa alkalde nga usa lamang ka estudyante ang maka-avail sa usa ka pamilya aron mahatagan usab og oportunidad ang uban.
Mamahimong bisitahon ang Facebook page nga ‘Eskwela Davao’ aron maka fill up sa application form alang sa maong pinansyal nga ayuda sa edukasyon.
RadyoMaN Kirby Manzon
