Davao City – Padayong nanawagan ang City Government of Davao nga i-avail sa kwalipikadong indibidwal ang ‘Eskwela Davao’ nga usa ka educational assistance sa lokal nga gobyerno.
Gi-awhag ni Davao City Mayor Sara Duterte-Carpio nga aduna pay liboan ka available slots alang sa tanan.
“Gina encourage nato tanan ginikanan nga na-reduce ang ilang income – jeepney driver, taxi driver, tindera, atoang mga masahista, tanan nga nawalaan og income to avail of this government assistance,” sulti sa Mayor.
Gibutyag sa alkalde nga ang maong pondo gitagana alang sa ayuda sa edukasyon bisan pa man sa wala pa ang Coronavirus Disease 2019 (COVID-19) diin ‘timing’ usab nga magamit kini panahon sa krisis gumikan sa nahisgutang pandemic.
Sa kasamtangan, aduna pay available slots alang sa Kindergarten (2,962), Elementary (9,493 slots), High school/Junior high school (4,039 slots), Senior high school (4,923 slots).
RadyoMaN Kirby Manzon
