Davao City – Nagtoo ang chairperson sa Committee on Information and Technology sa konseho sa Davao City nga andam na ang mga eskwelahan sa pagsugod sa klase karong adlawa.
Sumala ni Davao City 1st District Councilor Joanne Bonguyan-Quilos, Chairman sa Committee on Information and Technology, ang iyang opisina mitabang sa gihimong ‘Brigada Eskwela’ isip pagpangandam alang sa pagsugod sa klase karong adlawa.
Nagtoo usab si Quilos nga dili magkulang ang mga classrooms ingon man mga kagamitan tungod sa daghang mga eskwelahan nga gipangtukod sa tulo ka mga distrito sa dakbayan.
Malaumon usab si Quilos nga dili na magkaproblema sa mga textbooks ang Department of Education (DepEd) pinaagi sa iyang mga programa.
Gitataw usab ni Quilos nga bisan pa man ug nakadunggang sa sakripisyo sa mga ginikanan ang K-12 program, dakU kini’g natabang sa mga estudyante tungod kay mamahimo na man silang makatrabaho sa higayong makagraduate sa Senior High kung dili na sila makapadayon sa pagtungha sa kolehiyo.
RadyoMaN Bernard Pantallon
