Eskwelahan giransack-2 milyones nga kwarta dagit

41

General Santos City—giransack sa tulo ka wala mailhing suspetsado ang opisina sa cashier sa Golden State College nga nahimutang sa may Pioneer Avenue, Barangay South Gensan nga gipanag-iyahan sa pamilyang Manilay.

Alas 4:00 ang takna sa kabuntagon kagahapong adlawa dihang gisulod sa tulo ka mga kawatan ang Opisina sa cashier pinaagi sa pag buak sa salamin niini ug paglungkab sa drawer sa cashier ug gidagit ang P2,000,000.00 pesos nga koleksyon sa maong tunghaan.

Si Ruchel Baton Working student sa maong tunghaan nga tulo ka mga tawo nag iyang nakit-an nga nag kubi kubi sulod sa maong opisina. Siya nag tuo nga mga panday ug duna lay giayo sulod niini apan diya nag duda human iyang nakit-an nga buak na ang salamin.

Tungod sa tumang kahadlok nga basin dunay pusil ang mga suspek wala makapalag ang nahisgutan ug wala manlang nakareport sa kapulisan.

Nasayran nga wala ang gwardya niadtong tungora gumikan nag robbing usab sa kinatibuk-ang building.

Yano ra usab nga misibat ang mga suspek human sa pagpanglungkab dala ang kwarta nga duha ka milyon.

Si Po1 Raul Acharon nagbutyag nga sa kasamtangan blangko pa sila sa identity sa mga suspek. nasayran nga ayha gihimo sa mga suspetsado ang krimen ilang gibunlot ang wire sa CCTV camera nga gi-install sa entrance nga bahin sa establishemento.

Samtang si Sarah Manilay tag-iya sa maong eskwelahan nag tuo nga walay inside Job sa insidenti. Posibli matud pang gipanid-an silag maayo ayha gihimo ang pagpanglungkad. Sa karn padayon ang imbistigasyon sa maong insidenti.

Facebook Comments