Davao City – Nadiskobrehan nga adunay minor cracks sa Calinan National High School og usa ka bodega sa Felcris Centrale sa Barangay Calinan Poblacion sa pagpapanubay sa Barangay Disaster Reduction Management Council (BDRRMC) human mitay-og ang magnitude 6.4 nga linog kagabii, Oktobre 4,2023.
Sa interview sa DXDC RMN Davao kang Brgy. Captain Ursicio Ungab sa Barangay Calinan gibutyag niini nga misumite na og record ang barangay ngadto sa Davao City Engineers Office aron sa pag-inspeksyon pag usab sa duha ka gambalay.
Segun ni Ungab, walay natala nga major damages sa ilang barangay.
Gipasabot sa opisyal, ang maong tulunghaan nga nakitaan og pagliki temporaryong gisirado og wala sa gigamit sa mga magtutudlo tungod aduna na kiniy pagliki sa miaging pang linog.
Subling nagpahimangno si Kapitan Ungab ngadto sa mga residente sa iyang barangay nga sa panahon nga dunay kalamidad sama sa linog, dili gyod mataranta ug mas maayo nga buhaton ang duck, cover and hold.
RadyoMaN Don Pulayao
Facebook Comments
