ILOILO City – Daw kaangay nga ginpalabtikan ni Mayor Jose Espinosa III si Congressman Jerry Treñas.
Suno sa alkalde sa iya pagsugilanon kay PDEA-6 Regional Directors Emerson Margate iya ginpasalig nga tumanon niya ang pangako kay Presidente Rodrigo Duterte nga indi mag-entra sa illegal nga droga kag indi magpapayong sa druglord.
“Nakasugilanon kami sang new PDEA Regional Director kag ginpasalig ko s aiya nga ginatuman ko gid ang akun promisa kay President (Rodrigo)Duterte nga indi ako mag-entra sa ilegal nga droga kag indi magpapayong sa druglord,” ang pahayag ni Espinosa.
Ginpahibalo man ni Espinosa kay Margate nga wala sya sang apinan basta ilegal nga droga ang hambalan bisan pa iya paryente.
“Siling ko sa iya wala ako may apinan bisan sin-o. Bisan paryente ko pa. Kun may magtawag da sa ila nga magpakilala nga paryente ko, indi akun ina,” pasalig pa ni Espinosa.
Ini ang ginbuy-an nga pahayag sang alkalde kasunod sang pagkadakop sa empliyado sang syudad nga si Mr. Winston Porras nga ginaalegar nagabaligya sang ilegal nga droga.
Photo ctto
