ILOILO City – Liwat nga nagpa-athag si Mayor Jose Espinosa III sa mga kiosko sa Jaro plaza nga nasaklam na ang duha ka lane sang karsada.
Suno kay Espinosa, wala na sang ordinansa sang syudad nga kinahanglan sa pagpasarado sa pila ka lane sang dalan bangod indi man ini full closure kag temporary closure gid lamang.
Ini ang rason suno kay Espinosa kon ngaa nagpaggwa siya snag executive order.
Nahibaluan nga sang nagl;igad nga tuig, nangin kontrobersyal ang pagpakakas sang mga ukay-ukay kag iban pa nga kiosko sa sulod sang Jaro plaza.
Subong nga tuig, bakante na ang sulod sang Jaro plaza apang sa gwa naman nagtumpok ang mga kiosko kag nagtuga snag hu-ol sa dalagan sang trapiko.
Suno kay Espinosa, ginpahanugutan niya ini bilang pagpabilin sa tradisyon.
