Estable sa pangkabilugan ang presyo sang nagapanguna nga mga balaklon sa siyudad kag probinsya sang Iloilo.
Suno sa Deparetment of Trade and Industry ukon DTI-Iloilo, may nagakaigo nga supply sang mga produkto nga ila gina-monitor nga “prime” kag “basic” commodities kasubong sang processed milk, canned fish, evaporated milk, cofee refill, instant noodles, detergent bars kag bottled waters.
Ginpahayag ni DTI-Iloilo director Diosdado Cadena Jr., wala sang dapat kabalak-an ang mga Ilonggo bangud bastante ang mga supply nga gina-manufacture nga produkto kag kadam-an ang wala naga-depende sa panahon kasubong sang sardinas.
Suno kay Cadena, nabaton nila ang panibag-o nga listahan sang mga suggested retail price ukon SRP sadtong Agosto 6, 2018 kag mas ginapabaskog nila ang monitoring sa presyo sang mga balaklon.
