Dos maga bomba el ya rebenta adentro y afuera del Cathedral Iglesia na Jolo enantes aga que ya resulta na muerte del 15 persona y 45 el irido.
Asegun na report, man alas 8:30 ya amediante del misa cuando derepente ya lang dos siguiditos suena rebentada el ya oyi y ya man sabulacan ya aquelios quien ta atende misa na mencionao iglesia.
Sinco el soldao el ya muri mientras 14 el irido.
Dayun tambien ya lleva na hospital con el maga victim.
Nohay pa grupo quien ya man ancun tiene que hace con el acto de terorismo. El gobierno de Jolo y el military ta condena con el acto de demonyo del maga responsible na explosion.
Facebook Comments
